2025 оны 5 дугаар сарын 12-ны өдөр ОХУ-ын Эрхүү мужийн захирагч И.Кобзев Монгол Улсын ШУА-ийн Ерөнхийлөгч С. Дэмбэрэлийг хүлээн авч уулзлаа.

Уулзалтын үеэр талууд шинжлэх ухаан, технологийг хөгжүүлэх, Ангар мөрний бүс нутаг болон Монголын залуу эрдэмтдийн хамтарсан арга хэмжээ зохион байгуулах, хоёр улсын дээд боловсролын байгууллагын хооронд оюутан солилцох асуудлаар дэлгэрэнгүй санал солилцов.

Захирагч И. Кобзев уулзалтын үеэр жил бүр Монгол улсаас 300 гаруй оюутан  Эрхүү мужид их, дээд сургуульд суралцдаг, орос хэлний багш нар мэргэжил дээшлүүлэх боломж бүрдсэн болон Эрхүү муж, Монгол Улс шинжлэх ухаан, боловсрол, үйлдвэрлэлийн чиглэлээр хамтарсан төсөл хөтөлбөрийг амжилттай хэрэгжүүлж ирснийг онцлон дурдав.

Уулзалтын төгсгөлд Байгаль нуурын залуучуудын чуулга уулзалтад Монголын залуу эрдэмтдийг оролцуулах боломжийг судлах шийдвэр гаргалаа.