Вэбсайтын цэс
Хэлний сонголт
ШУА-ийн Газарзүй-Геоэкологийн хүрээлэн, БНСУ-ын Хүрээлэн буй орчны корпорацийн хамтран хэрэгжүүлэх “ГЭР ХОРООЛЛЫН ХӨРСНИЙ БОХИРДЛЫГ БУУРУУЛАХ, АРИУН ЦЭВРИЙН АСУУДЛЫГ САЙЖРУУЛАХ” төслийн нээлтийн уулзалт зохион байгуулагдлаа
ШУА-ийн Газарзүй-Геоэкологийн хүрээлэн, БНСУ-ын Хүрээлэн буй орчны корпорацийн хамтран хэрэгжүүлэх “ГЭР ХОРООЛЛЫН ХӨРСНИЙ БОХИРДЛЫГ БУУРУУЛАХ, АРИУН ЦЭВРИЙН АСУУДЛЫГ САЙЖРУУЛАХ” төслийн нээлтийн уулзалт зохион байгуулагдлаа

2017 оны 11-р сард ШУА-ийн Газарзүй-Геоэкологийн хүрээлэн /Institute of Geography and Geoecology, MAS/ ба БНСУ-ын Хүрээлэн буй орчны корпораци/Korean Environmental Corporation/ нь хамтын ажиллагааны санамж бичгийг зурж цаашид хүрээлэн буй орчны чиглэлд хамтран ажиллахаар тохиролцсон. Энэхүү хамтын ажиллагааны хүрээнд эхний хамтарсан төслийн саналыг 2018 оноос хойш хамтран боловсруулж улмаар 2019 оны 7-р сард төслийн санал батлагдсан. Хоёр байгууллагын санаачлан хэрэгжүүлэх “Улаанбаатар хотын хөрсний бохирдлыг бууруулах, ариун цэврийн асуудлыг сайжруулах” туршилтын (2019-2020) төслийн албан ёсны нээлтийн хурал 2019 оны 10-р сарын 31-ний өдөр Улаанбаатар хотод амжилттай зохион байгуулагдлаа. Тус туршилтын төслийн нээлтийн уулзалтад Монгол талын түнш хамтран ажиллах ГГХ-ийн удирдлага, эрдэмтэн судлаачид болон Байгаль орчин аялал жуулчлалын яам, Нийслэлийн Байгаль орчны газрын мэргэжилтэн, Азийн Хөгжлийн Банкны “Хөрсний мониторинг судалгаа” төслийн төлөөлөл мөн БНСУ-ын Хүрээлэн буй орчны корпораци, БНСУ-ын Байгаль орчны яам, төслийн техникийн баг болох БНСУ-ын Грийнтех/Green-Tech/ компанийн эрдэмтэн судлаач нарын төлөөлөл бүхий нийт 20 хүний бүрэлдэхүүн оролцов.
Тус төсөл нь Монгол Улсын нийслэл Улаанбаатар хотын тулгамдсан асуудал болох хүрээлэн буй орчны бохирдлыг бууруулахад тодорхой хувь нэмэр оруулах, тэр тусмаа хүрээлэн буй орчны бохирдлоос хүний эрүүл мэндэд үзүүлэх сөрөг нөлөөллийг бууруулах, гэр хорооллын бүсийн ариун цэврийн байгууламж, хөрсний бохирдлын асуудлыг шийдвэрлэх, хамгийн бололцоот тохирох технологийг хөгжүүлэх талаар судлахад зорино. Төслийн туршилтын нэг жилийн хугацаанд дараах үр дүнд хүрнэ 1) Хүрээлэн буй орчны мониторинг ба техникийн шаардлагыг боловсруулах 2) Улаанбаатар хотын усны менежмент, агаар, хөрс зэрэг хүрээлэн буй орчны чиглэлээр өмнө нь хийгдэж байсан судалгаатай танилцан үнэлгээ хийн баримтжуулах. 3) Хөрсний төлөв байдалд үнэлгээ хийж суурь мэдээлэл цуглуулан анализ хийх зэрэг болно. Цаашид энэхүү туршилтын төслийн нэг жилийн хугацааны хэрэгжилт, үр дүнд тулгуурлан дараачийн мега, ODA ангиллын олон улсын төвшний төсөл хөтөлбөрт санал боловсруулан хамтран ажиллах зорилготой юм.























































Бусад мэдээлэл
Шинэ ном
5 жилийн өмнө
Шинэ ном
5 жилийн өмнө
Мэдлэгийн портал
6 жилийн өмнө