БСШУС-ын сайдын дэргэдэх зөвлөл хуралдлаа. Сайдын зөвлөлд "Монголын урлагийн зөвлөл"-ийн тэргүүн, Төрийн шагналт, хөгжмийн зохиолч Н.Жанцанноров, академич Д.Рэгдэл, "Монголын оюун ухааны академи"-ийн тэргүүн Х.Хатанбаатар, МУБИС-ийн зөвлөх багш Б.Жадамба, МУИС-ийн захирлын үүрэг гүйцэтгэгч Я.Төмөрбаатар, МУИС-ийн багш Ч.Лодойравсал, "Монголын балет сан"-гийн тэргүүн Д.Алтанхуяг зэрэг салбартаа танигдсан хүмүүс багтан ажиллахаар болж өнөөдөр анхны хурлаа хийсэн юм. Хурлын эхэнд БСШУСЯ-ны эрхлэх асуудлын хүрээнд цаашид хэрэгжүүлэх бодлого, чиглэлийн талаар зөвлөлийн бүрэлдэхүүнд тодорхой мэдээлэл өгч, санал солилцсон юм. Мөн энэ үеэр зөвлөлийн ажиллах журмыг хэлэлцлээ.