Олон улс оронд дэлхийн уур амьсгалын өөрчлөлт, хүний зохисгүй үйл ажиллагаанаас улбааланхүн амын эрүүл мэндийг доройтуулах шинэ шинэ нөхцөл байдал үүсэх, хөдөө орон нутагт байгаль орчны төлөв байдал өөрчлөгдөх, усны нөөц хомсдох зэрэг сөрөг үр дагавар үүсч байна. Уур амьсгалын өөрчлөлтөөс шалтгаалан мөнх цэвдэг, мөсөн голууд хайлж, экосистемийн хүрээ өөрчлөгдөн, жилийн дундаж хур тунадас хэлбэлзэх, цөлжилт эрчимтэй түрж, бэлчээр хомсдох хандлага үүсч байгаа нь судалгаагаар нотлогдож байгаа. Иймээс эдгээр сөрөг хүчин зүйлийг даван туулах шинжлэх ухаанч арга ухаан, технологийг хэлэлцэн, зөвлөлдөх боломжийг Монгол-Солонгосын Усны 10 дахь удаагийн форум (МСУФ-2018) олгож нийт 10 үндсэн илтгэлийг хэлэлцүүлэв. Илтгэлийн сэдвүүд дараах хүрээг хамарсан болно. 

Монгол-Солонгосын усны форумын үндсэн зорилго нь байгаль орчин, устай холбоотой үйл ажиллагаа эрхлэгч төрийн болон төрийн бус байгууллага, хувйн хэвшил, эрдэм шинжилгээний байгууллагуудын ажилтан, салбарын эрдэмтэд, судлаач, бодлого тодорхойлогч нарыг нэгэн талбарт цуглуулан нээлттэй хэлэлцүүлэг өрнүүлэх, улмаар нэгдсэн ойлголцол, зөвлөмжийг гаргахад оршино. Мөн түүнчлэн, хоёр улсын хооронд харилцан ололт, амжилт, туршлагаасаа хуваалцах, мэдлэгээ солилцох, хамтарсан төсөл, хөтөлбөрүүд эхлүүлэх нөхцөлийг бий болгож байгаагаараа онцлог байлаа.