Шинжлэх ухааны ажилтны өдрийг угтаж Газарзүй, геоэкологийн
хүрээлэнгийн Газрын нөөц, газар ашиглалтын салбараас зохион байгуулсан семинар
амжилттай болж өндөрлөлөө. Ахмад эрдэмтэн, доктор Д.Аваадоржийн “Эрдэм
шинжилгээний арга зүйн үндэс” залуу судлаачдад зориулсан семинарыг 2023 оны 10
дугаар сарын 16-ы өдрийн Даваа гаригт амжилттай зохион байгууллаа. Семинарын
агуулгын хүрээнд залуу судлаачдын эрдэм шинжилгээний ажлын сэдэв сонгох,
судалгаа хийх, арга зүй тодорхойлох, судалгааны үр дүн гаргах, түүнийг
тайлагнах талаар залуучуудад зөвлөгөө өгсөн. Мөн өөрийн туршлага, судалгааны
ажил, ном зэргийг танилцуулан залуу судлаачидтай нээлттэй ярилцлага өрнүүлсэн
үйл ажиллагаа боллоо.
Хөрс судлаач, доктор Д.Аваадорж нь хөрсний физик, химийн
шинж чанараас хамааран хөрс боловсруулах аргуудыг бий болгосон. 1997-2003
онуудад ШУА-ийн Геоэкологийн хүрээлэнгийн Газрын нөөц, газар ашиглалтын
салбарын эрхлэгчээр ажилласан. Эрдэм шинжилгээний ажлаас гадна тэрээр ХААИС-д
багшилж, хөрс, агрономийн чиглэлээр үндэсний мэргэжилтэн бэлтгэхэд ихээхэн хувь
нэмэр оруулсан.
Семинарт нийт Газарзүй, Геоэкологийн хүрээлэнгийн 30 гаруй судлаачид болон их дээд сургуулийн залуу судлаачид оролцон сонсож, санал бодлоо хуваалцлаа.
.jpg?w=1200)
