МУИС-ИЙН 80 ЖИЛИЙН ОЙН НЭРЭМЖИТ УЛСЫН ГАЗАРЗҮЙН XXVI ОЛИМПИАДЫН НЭЭЛТИЙН ҮЙЛ АЖИЛЛАГААНД ОРОЛЦОВ
МУИС-ийн
80 жилийн ойн хүрээнд Улсын газарзүйн олимпиад 26 дахь жилдээ 5 дугаар сарын
4-6-ны өдрүүдэд зохион байгуулагдаж байна. Энэхүү олимпиадыг БШУЯ, Боловсролын
Ерөнхий газар, МУИС, Улсын газарзүйн олимпиад зохион байгуулах хороо, МУБИС,
ШУА-ийн Газарзүй, геоэкологийн хүрээлэн, Монголын газарзүйн нийгэмлэг, Газрын
зураг ХХК зэрэг их, дээд сургууль, эрдэм шинжилгээ судалгааны байгууллагууд хамтран
зохион байгуулж байна. Тус олимпиадад 21 аймаг, нийслэлийн ЕБС-иас шалгарсан 30
багш, 9 болон 12-р ангийн нийт 60 сурагчид газарзүйн чиглэлээр оюун ухаан, эрдэм
мэдлэг, ур чадвараа сорин өрсөлдөх юм байна.
Тус олимпиадад ШУА-ийн Газарзүй,
геоэкологийн хүрээлэнгийн удирдлага, Физик газарзүй, орчин судлалын салбарын
судлаачид оролцож Монголын шинжлэх
ухаан, төр, нийгмийн нэрт зүтгэлтэн, Монгол улсын төрийн шагналт, газарзүйн
шинжлэх ухааны доктор, профессор, академич Шагдарын Цэгмидийн мэндэлсний 100
насны ойтой холбогдуулан түүний амьдрал, үйл хэрэг, газарзүйн шинжлэх
ухаанд оруулсан хувь нэмрийн талаар илтгэл танилцуулж, товч намтрыг нийт
оролцогч нарт тараалаа.
Дашрамд дурдахад Газарзүйн шинжлэх
ухааныг үндэслэгч, академич Ш.Цэгмид нь 1955 онд газарзүйн багш, эрдэм шинжилгээний ажилтан
бэлтгэх зорилгоор Монгол улсын их сургуулийн
Газарзүйн тэнхимийг байгуулж тус тэнхимийн анхны эрхлэгчээр ажиллаж
газарзүй, эдийн засгийн ангиудад ерөнхий газарзүйн хичээл зааж газарзүйн
мэргэжлийн багш нарыг бэлтгэх эхлэлийг тавьсан байна.
Мэдээ
бэлтгэсэн:
ШУА-ийн,
Газарзүй, геоэкологийн хүрээлэн
Физик
газарзүй, орчин судлалын салбар
2022.05.04
Бусад мэдээлэл
