R програм дээр MODIS
дагуулын мэдээ ашиглан ургамалжлын индексүүдийг тодорхойлсон дүн
R-нь нээлттэй эх сурвалжийн, голлох үйлдлийн системүүдийг дэмждэг, тоон мэдээ
боловсруулах болон шинжилгээ хийх, өгөгдлийг төрөл бүрийн графикаар дүрслэх,
машин сургалт үйлдэх зэрэг олон чадвартай, маш олон давуу тал бүхий сүүлийн
үеийн програм хангамж юм.
Дүн шинжилгээний өмнө, R програмыг ашиглан, Монгол
орны нутгийг бүрхсэн, MODIS
хиймэл дагуулын 2015-2019 оны зуны улиралд, 8 хоногийн давтамжтай хүлээн авсан мэдээнүүдийг
холбогдох сайтаас татан авсан (MOD09A1 бүтээгдэхүүн). MOD09A1 бүтээгдэхүүн нь 13 сувагтай бөгөөд эдгээрээс ургамлын индекс тодорхойлоход
7 сувгийг голчлон ашигласан болно. Нийт 78 мэдээг татан авсан ба ургамлын
биомасс, ургамалжлыг тодорхойлоход ашигладаг 29 индексийг мэдээ тус бүр дээр
тооцоолсон болно. Судалгаанд ашигласан MODIS хиймэл дагуулын мэдээнүүдийн жишээ болгон тус дагуулын 2-р сувгийн мэдээг Зураг
1-д үзүүлэв.
Энэхүү судалгааны хүрээнд, дээрх индексүүдийг ашиглан гарган авсан ургамалжлын зургуудын нарийвчлалын үнэлгээг тооцсоны үндсэн дээр Монгол орны ургамлан бүрхэвчийн өөрчлөлт, биомассыг үнэлэх, түүнчлэн ургамжлын индексүүдийн давуу талыг тодорхойлох зорилготой.
2015.07.04 2016.07.03
2017.07.04 2018.07.04
2018.08.05 2019.07.04
Зураг 1. MODIS хиймэл дагуулын мэдээ (Ойрын нэл улаан туяаны суваг)
Орчин үеийн геоинформатикийн онол, аргазүй, олон улсын туршлагууд дээр үндэслэн бүх нийтэд хүртээмжтэй, ШУА-ийн ГГХ-ийн ВэбГМС-ийн үйл ажиллагааны онцлогт тохирсон метадата системийн нарийвчилсан загварыг боловсруулж байна. Энэхүү загвар нь ВэбГМС-ийн бүтцэд тохирсон байхаас гадна, эх метадата мэдээлэл нь олон улсын ISO19131, ISO19119 болон Монгол улсын MNS5774 стандартуудад нийцэж байх ёстой юм
