Шинжлэх ухааны ажилтны өдрийг тохиолдуулан жил бүр уламжлал болгон зохион байгуулдаг ШУА-ийн ерөнхийлөгчийн нэрэмжит 4 төрөлт тэмцээн 11 сарын 5-ны өдрөөс эхлэн 11 сарын 24-ны өдрийг дуустал хугацаанд амжилттай болж өндөрлөлөө. Тус тэмцээнд ШУА-ийн Газарзүй, Геоэкологийн хүрээлэнгийн хамт олон сагсан бөмбөгийн төрөлд М.Баасанцог ахлагчтай эрэгтэй баг тамирчид алтан медаль, Б.Мөнхтуяа ахлагчтай эмэгтэй баг тамирчид мөнгөн медаль, ширээний теннисний төрөлд Д.Отгонцэцэг ахлагчтай эмэгтэй баг тамирчид хүрэл медалийн эзэд болж амжилттай оролцлоо. Сагсан бөмбөгийн эрэгтэй шилдэг тоглогчоор Хүрээлэн буй орчин, байгалийн нөөцийн менежментийн салбарын эрдэм шинжилгээний ажилтан, багын ахлагч М.Баасанцог тодорлоо.
Тэмцээндээ амжилттай оролцсон бүх баг тамирчиддаа халуун баяр хүргэж эрдэм судлалын ажилд нь өндөр амжилт хүсье.
Мэдээг бэлтгэсэн: ГЗМС, ЗТСудлалын салбарын эрдэм шинжилгээний дэд ажилтан В.Баярмаа 2024.11.27